ВМРО-ДПМНЕ: Со СДС и ДУИ, инфлација 50% поголема од еврозоната
Според ВМРО-ДПМНЕ, со СДС и ДУИ Македонија има инфлација за 50% поголема од таа во еврозоната, пад на реалната плата и потрошувачка кошничка од 1.000 евра.
„Во текот на 2022 година има пад реалната плата за 5%, платите со години се обезвреднети, на хартија растат, а во реалноста куповната моќ на народот е се послаба.
Потрошувачката кошничка е речиси 1.000 евра, за да се наполни потребни се 3 минимални плати.
Економијата никогаш не била во толку лоша ситуација како денес со СДС и ДУИ“, оценуваат од опозициската партија.
Додека во Македонија растот на БДП по глава на жител од 2017 до 2023 година изнесува само 20%, земјите од регионот како Србија, Албанија, БиХ, Црна Гора и Косово имаат и над 50% раст, велат од ВМРО-ДПМНЕ.
Македонија, како што велат, заостанува зад сите земји во регионот. Седум години власт на СДС и ДУИ, седум промашени години за економијата. Народот со право вели дека немаме држава, додаваат од партијата на Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
