ВМРО-ДПМНЕ: Владата со поскапувањата го полни буџетот кој после го дава на своите партиски донатори или на бифтеци и ф`стаци

„Владата на ДУИ и СДС ги потроши парите од буџетот на криминални и матни тендери и сега ќе го полни преку зголемени даноци на прехранбените продукти. Тоа кое што го најавуваше како повисоко ДДВ за луксузни производи, се претвори во поскапи цени за сирење, компоти, феферони, брашно, детска храна и други артикли кои просечните, па и посиромашните граѓани секој ден ги купуваат.“ - велат од ВМРО-ДПМНЕ во своето соопштение.

-Ова значи само посиромашни граѓани и повеќе пари во буџетот за криминалите на власта. Им недостасуваат пари во буџетот затоа што го трошат немилосрдно буџетот за проекти за кои што шајка не е закована, за тендери на компании кои се нивни донатори, за организирање на партиски прослави или за полнење на ташни со снопчиња кеш.-додаваат од партијата.

„Народот сега или треба да се откажува од прехранбени производи или поскапо да ги плаќа за некој во влада да крка бифтеци, да купува службени возила или да троши пари на ф`стаци, кафиња и цвеќиња.

Ова мора да престане. Власта мора побрзо да замине и потоа да одговара за безмилосното осиромашување на својот народ“.- стои во соопштението.