ВМРО-ДПМНЕ: Заев ја издаде Нина Ангеловска, Владата знаела за случајот „Еуростандард банка“
Зоран Заев вчера кажа дека знаел за „Еуростандард банка“ веќе година дена, велат од ВМРО-ДПМНЕ во соопштение за јавноста.
Тие потсетуваат дека министерката за финансии Нина Ангеловска, кажала оти не знаела ништо во врска со банката.
„Ова е огромен скандал и манипулација со граѓаните. Кој лаже Заев или Нина? Доколку Нина навистина не знаела, тогаш во кое својство Заев знаел и како оделе податоците до него, кога директен учесник во процесот на макроекономијата е Министерството за финансии“, прашуваат од ВМРО-ДПМНЕ од каде сметаат дека Ангеловска ја манипулира и ја лаже јавноста.
„Нина знаела и била должна да знае, согласно функцијата која ја извршува. Самиот факт што ги повлекла парите предвреме е доказ за тоа“, се наведува во соопштението во кое се додава дека Ангеловска мора да сноси одговорност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа