Во Гевгелија регистриран еден новозаболен од коронавирус
Близок роднина на заболеното лице од Ковид-19 кое минатата недела, поточно на 26 јули, беше регистрирано во градот, е новото инфицирано лице кое беше регистрирано во Гевгелија во вчерашниот извештај на Министерството за здравство.
Според епидемиологот д-р Сашко Олумчев,со најновиот случај, досега од почетокот на пандемијата во ПЕ на Центарот за јавно здравје во Гевгелија се дијагностицирани вкупно 23 случаи со Ковид-19. Од нив активни се 12 од кои двајца се жители на општина Гевгелија, седум се жители на општина Дојран и тројца се од општина Богданци.
Олумчев посочи дека досега сите случаи на заразени од Гевгелија и регионот биле со лесна симптоматска слика и вирусот го победиле со лекување во домашни услови со помош на инструкции од матичен лекар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
