Заев реизбран за претседател на СДСМ
Зоран Заев е реизбран за претседател на Социјалдемократскиот сојуз на Македонија на првите внатрепартиски избори.
„За“ Заев гласале 59.240 илјади членови на СДСМ, 865 гласале „против“, а 277 ливчиња се неважечки, беше истакнато на прес-конференција на Централната Изборна Комисија. Резултатите се добиени од пребројување на гласовите во 227 избирачки места, од вкупно 237.
Од комисијата оценија дека изборниот процес поминал регуларно, без пречки и согласно статутарните одредби.
Членовите на СДСМ гласаа „за“ или „против“ Заев кој беше единствениот кандидат за партиски лидер. Од СДСМ претходно истакнаа дека на јавниот повик за поднесување кандидатури за претседател, немало други пријавени кандидати.
За гласање на овие избори беа пријавени 68.999 членови. Изборите ги спроведе Централна изборна комисија во 80 општински ораганизации и 237 Избирачки одбори.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
