Затрупани под земја најмалку 39 рудари во Канада - заробени се повеќе од 24 часа

Најмалку 39 рудари се заробени под земја повеќе од 24 часа во северната канадска провинција Онтарио, објави компанијата што управува со рудникот.

Во тек е спасувачка операција а раководството на рудникот објави дека нема повредени.

Рударите останаа на длабочина меѓу 900 и 1.200 метри поради дефект во лифтот што ги спушти работниците во јамата.

Компанијата соопшти дека се очекува сите да бидат изнесени на површина до вечерва, како и дека рударите имаат пристап до вода, храна и лекови.

„Се надеваме дека сите рудари ќе бидат извлечени од окното до вечерва“, се наведува во соопштението на бразилската рударска компанија „Вале“, и се додава дека никој од рударите не е повреден.

Раководството на рудникот претходно потврди дека несреќата во рудникот за бакар, никел и благородни метали се случила во неделата кога железничкото возило се лизнало од шините и го блокирало тунелот.

28.09.2021 - 12:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега