Затворена чајџилница со 20 гости по 21 часот во Куманово

Полициски службеници синоќа при вршење контрола во чајџилница, затекнале дека објектот работи по дозволеното работно време и дека внатре има околу 20 лица. Објектот е затворен, а ќе биде поднесена и кривична пријава.

„ На 06.03.2021 во 22.30 часот од полициски службеници од СВР Куманово е извршена контрола во чајџилница на ул.Карл Маркс во Куманово, сопственост на Ф.Б.(29) од Куманово, при што било констатирано дека објектот работел, односно не се придржувал до пропишаното работно време и во него биле затекнати околу 20 лица.

Објектот од страна на Државен пазарен инспекторат е затворен. По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.

МАКФАКС

 

 

 

Добивајте вести на Viber

07.03.2021 - 10:34

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега