Арсовски: ВМРО-ДПМНЕ нема да учествува во работните групи со Република Бугарија
Опозициската ВМРО-ДПМНЕ нема да биде дел од работните групи со Бугарија.
Портпаролот Димче Арсовски вели дека досега не добиле покана, но и оти доколку стигне тие ќе ја одбијат. Посочи дека не сакаат да бидат декоративен елемент на власта и со тоа дадат легитимитет на, како што рече, нивното погрешно функционирање.
-Онаму кадешто власта треба да земе учество и кадешто опозицијата, односно ние упорно ги каниме да дојдат и да одговараат прашања е Комисијата за надворешни работи кадешто министерот Бујар Османи упорно бега да даде одговори и не учествува во истата. Претходно, исто беше случај и со Никола Димитров, сега е со Бујар Османи. Така што, еве јавен повик Бујар Османи да земе учество во таа Комисија за надворешни работи во Собранието, рече Арсовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа