Бела куќа: Бајден ја крена царината на руските стоки на 35 отсто

Американскиот претседател Џо Бајден денеска ги зголеми царините за руската стока на 35 отсто, како дел од суспензијата на статусот на најповластена трговска нација, што ја имаше Русија досега, објави Белата куќа.

Зголемувањето на царинските стапки на 35 отсто се однесува на увозот на „одредени други производи од Руската Федерација, чиј увоз досега не беше забранет“, се наведува во соопштениетона Белата куќа, пренесено од британските медиуми.

Поради војната во Украина, администрацијата на Бајден претходно забрани увоз на руска нафта и енергија, риба, морски плодови, алкохолни пијалоци и неиндустриски дијаманти.

Сè уште не е објавен анекс со списокот на производи што ќе подлежат на повисока царинска стапка.

27.06.2022 - 21:36

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега