Бугарски пратеници добија казни за неносење маски

Дваесетина бугарски парламентарци се казнети денеска поради неносење маски во Парламентот, а здравствените инспектори им одредија казни од 300 лева.

Дваесет и четири од вкупно 240 пратеници добија казна за непочитување на обврската за покривање на устата и носот.

Министерот за здравство Кирил Аланиев ги заостри правилата за носење маска во затворено на 22 јуни, откако се зголеми бројот на инфекции со новиот коронавирус.

Од средината на јуни, бројот на заразени во Бугарија рапидно расте и сега изнесува вкупно 5.154.

Ограничувањата беа привремено олеснети, но мерките требаше повторно да бидат заострени.

Претставници од различни политички партии одбија да носат маски, предизвикувајќи тензии со лидерите на парламентот и оние што ги покриваа своите лица.