Единствена Македонија: Правда на македонски начин - за удирање клоца 15 години затвор, а за пукање со пиштол 4 месеци затвор

Единствена Македонија реагираше по изречената казна на Јонуз Енузи - Кока.

„Со вчерашната пресуда за Јонуз Енузи - Кока е поразена идејата за правна држава. Енузи е осуден на 4 месеци затвор за пукање со пиштол додека се протестираше против бугаризацијата, а Јане Ченто на пример, според зборовите на судиката Кацарска при изрекувањето на пресудата е осуден на 15 години затвор за удирање на Зијадин Села со црвен чадор, а на Зоран Заев му удрил клоца“, порачаа од партијата.

Со ваквите судски пресуди излезе на виделина двојниот арши на македонските судови. Јавноста се прашува и очекува одговор од кога тоа удирањето клоца стана поопасно од пиштол, велат од Единствена Македонија.

„Македонците во сопствената држава секојдневно се изложени на политичко-полициски прогон и стануваат граѓани од втор ранг додека припадниците на албанското малцинство веќе толку се охрабрија што не фермаат ниту устав и закон.

Република Македонија ќе оди напред само кога законите ќе важат за сите. Единствена Македонија кажува директно и јасно - ние сме во политиката да ги бркаме таквите кои Македонците во сопствената држава ги направија граѓани од втор ранг“, се вели во нивното соопштение.