(ФОТО) Голема полициска акција во Кавадарци: МВР при претреси откри хероин
Околу 150 грама хероин, повеќе пакувања подготвени за продажба, се пронајдени при претрес во Кавадарци, информираат од Министерството за внатрешни работи.
Како што стои во соопштението од МВР, во рамките на засилените мерки и активности на Министерството за внатрешни работи за сузбивање и спречување на недозволената трговија со дрога и улично дилерство на 27.11.2021, по претходни оперативни сознанија и судска наредба, полициски службеници од ОВР Кавадарци извршиле претрес во дом кај М.А. и В.М. во Кавадарци, при што се пронајдени околу 150 грама хероин, повеќе пакувања подготвени за продажба.
Дополнуваат дека е одземено и возило „алфа 159“ како и парчни средства за кои постојат основи на сомнение дека потекнуваат од продажба на дрога.
В.М. е лишена од слобода и се преземаат дополнителни мерки за расчистување на случајот, по што ќе следи соодветен поднесок до надлежното обвинителство.
28.11.2021 - 11:15
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
