Груевски: Мицкоски би бил најсреќен ако ме удри трамвај во Будимпешта

„Мицкоски раскажува дека ако станел премиер ќе ме апсел. Тој би бил најсреќен ако ме удри трамвај во Будимпешта“, смета поранешниот премиер и побегнат во Будимпешта, Никола Груевски.

Меѓу другото, во својата последна објава на Фејсбук, порача пратениците од опозициската ВМРО-ДПМНЕ да не гласаат за уставните измени. 

„Влијание врз пратеници од моја страна немало. ВМРО-ДПМНЕ треба аргументирано да и се спротивстави на Бугарија. Доколку на седницата на Централниот комитет вечерва се зборува за мене, би сакал да се вклучам во живо“, напиша Груевски на социјалната мрежа Фејсбук.