Индонезиец се развел по само неколку дена брак бидејќи дознал дека сопругата всушност е маж
Индонезиските медиумите јавуваат за бизарен случај во кој 31-годишен маж се венчал со жена која ја запознал на интернет, а само неколку дена по венчавката дознал дека таа всушност е маж; пренесува хрватски Индекс.
Двајцата се запознале преку Фејсбук пред неколку месеци. Откако се впуштиле во романтична врска онлајн, одлучиле да се запознаат и да оформат семејство.
Тие се венчале на 2 јуни. „25-годишната жена“ на свадбата го прекрила лицето, па никому не му изгледала сомнително зашто зошто имала вел преку лицето, што е традиција во Индонезија. На нивната венчавка имало верски претставници од целиот регион, а никој не се посомневал во полот на сопругата.
Работите тргнале во спротивна насока откако Мух (измислено име кое му е дадено на мажот со цел да се заштити неговиот идентитет) останал разочаран бидејќи сопругата не сакала да има односи на првата брачна ноќ. Но кога тоа се повторило и следните денови, тој почнал да се сомнева дека нешто не е в ред.
Мух почнал да истражува и се шокирал откако дознал дека таа всушност е маж. Не е јасно како точно дознал дека станува збор за машко, но кога се вратил дома за да се соочи, таа, односно тој веќе заминал.
Случајот го пријавил во полиција, а 25-годишниот маж, чие вистинско име е Ади за кратко бил пронајден. Сѐ уште е нејасно каква казна ќе добие со оглед на строгите закони во оваа држава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа