Јованчев: Грозјето не смее да остане на нивите, пратениците на ВМРО-ДПМНЕ бараат надзорна расправа за овој проблем

Лозарите се излажани и изманипулирани од СДСМ и Зоран Заев лично. Грозјето скапува на нивите. Откупната цена во моментов е најниска откако се памети, и истата изнесува мизерни 6 – 7 денари.Меѓутоа и по овие потценувачки цени милиони килограми на грозје стои необрано бидејќи владата подолг период не му пристапи на овој проблем сериозно, изјави денеска пратеникот на ВМРО-ДПМНЕ Зоранчо Јованчев.

Тој посочи дека потребни се итни мерки за да се превенира социјална катастрофа.

-Во таа насока денеска до Собранието на Република Македонија, пратеничката група на ВМРО-ДПМНЕ и Коалицијата „за Обнова на Македонија“ ќе поднесе барање за надзорна расправа. Истата ќе се реализира со цел да се постигне консензус помеѓу сите засегнати чинители и да се достигне достоинствена цена за килограм грозје. На надзорната расправа ќе бидат повикани претставници на здруженија на лозари од цела држава, претставници на винариите и стручни лица од Факултетот за земјоделски науки и храна. Проценките на експертите се дека од овогодишната реколта веројатно нема да бидат откупени до 60 милиони килограми винско грозје, што претставува потфрлање од безмалку 40%! Од надлежните институции освен лажните и несериозни ветувања и оптимистички најави нема ниту еден релевантен податок. Класично потфрлање на целиот државен земјоделски систем кој во било која подобро организирана аграрна земја не смее да се случи, посочи Јованчев.

Тој напомена дека причините за хаосот во откупот на овогодишната реколта се пред се во државните институции.

-Потребни се брзи чекори на делување. Грозјето не смее да остане на нивите. Кога во цел свет недостасува храна, срамота е во Македонија таа да се фрла на буниште затоа што власта не може да помогне и да обезбеди пласман. Пратеничката група на ВМРО-ДПМНЕ смета за своја должност да делува со сите начини кои и се расположливи кога владата која ги има сите механизми и полуги на власт остава лозарите да патат.
Решение мора да се најде! Дополнително во идниот период ќе отпочнеме процес на стручна расправа и од потребите за донесување на закон за лозарство, со кој детално ќе биде регулирана областа, ќе се гарантира заштитна откупна цена под која нема да може да се оди, и ќе се регулира начинот на производство на насока на заштитните средства и препарати кои може да се употребуваат, а со цел добивање на поквалитетен краен произво, нагласи тој.

 

 

 

Добивајте вести на Viber

22.09.2020 - 11:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега