Ќучук: Разговорите за минатото се важни, но важни се и разговорите за иднината

Разговорите за минатото се важни, но важни се и разговорите за иднината, потенцира известувачот на Европскиот парламент за земјава, европратеникот Илхан Ќучук, на денешната панел дискусија во рамките на конференцијата БГМК2030 „Граѓански придонес во градење на доверба, заедништво и сојузништво“, потенцирајќи ја важноста на меѓусебната соработка, изрази верување дека новите влади на Северна Македонија и Бугарија ќе продолжат по патот на отвореноста заради целосно надминување на сите недоразбирања.

– Нема поважен фактор од довербата, нема универзален договор, нема договор, кој е еднакво добар, нема договор кој ги задоволува и двете страни, но секој договор дава правна рамка за да се започне разговор. Јас верувам дека новата Влада на Бугарија и новата Влада на чело со Ковачевски ќе продолжат по патот на отворањето можности за подобро разбирање. Од моето искуство, не само како известувач, туку и како човек кој доаѓа тука разговара со граѓаните, со политичарите, можам да заклучам дека единствениот проблем е тоа што не се разбираме, тоа што не знаеме едни за други. Неразбирањето доаѓа од таму и треба да се кажуваат добрите примери, дека ние сме на правилниот пат да се разбереме подобро, таков е примерот со договорот помеѓу МИА и Бугарската телеграфска агенција, бидејќи преку константната размена на информациите народите ќе знаат повеќе за себе си, рече Ќучук.

Според него, важно е да се поттикнат граѓаните  и локалната власт интензивно да учествуваат во развојот на односите меѓу Бугарија и Северна Македонија.

– Овде сум не само како известувач на Европскиот парламент за Северна Македонија, туку и како непоправлив оптимист дека двете земји можат да се разберат и да бидат пример за партнерството на Балканот за европските стандарди. Сметам дека мора да се посветиме со сите сили и неуморно да работиме на реализација на оваа идеја, бидејќи нашите граѓани тоа го заслужуваат, „Граѓански придонес во градење на доверба, заедништво и сојузништво“ , организирано од Renew Europe и АУЕ-ФОН во соработка и со учество на претставници од локалната самоуправа и граѓанскиот сектор од Северна Македонија и Бугарија. Не можам, а да не му се восхитувам на продолжувањето на дијалогот во последните две недели и многу се надевам дека по пауза од повеќе од година и пол, меѓувладините разговори конечно ќе дадат конкретни резултати, истакна Ќучук.

 

 

29.01.2022 - 12:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега