Мицевски: Само во Македонија подзаконски акт суспендира Закон

Само во Македонија може, и само „хибридниот режим“ се охрабрува со подзаконски акт, да суспендира закон. Но тоа ќе биде за кратко, а одговорностите долгорочни, напиша на Фејсбук координаторот на пратеничката група на ВМРО-ДПМНЕ Никола Мицевски.

„Закон за лични карти постои, нов закон за лични карти има во процедура (до каде е процедурата, каква е во која фаза е, најмалку е битно. Нов закон ќе има кога ќе биде изгласан во собрание и потпишан од ПРМ).

Е сега доаѓаме до прашањата:

– Како е можно МВР да продолжи да печати лични карти со новите обрасци кога тоа треба да биде регулирано со закон, а до вчера тврдеа дека нема да може да се издаваат лични карти.

Со тоа владата недвосмислено се става над Собранието кое е единствен законодавен орган во државата.

Намерата да се донесе нов закон за лични карти, за што постапката е блокирана во Собранието не го супспендира спроведувањето на постоечкиот.

Меѓутоа суспензијата на законот со некој подзаконски акт, недвосмислено ќе биде кривично дело, за кое некој ќе сноси далекусежни последици.

И тогаш нема да одите со флоскулите „победени се блокадите и слично“, кривично дело е кривично дело а тоа некој ќе го суди!!!“, коментира Мицевски.

Ваквата изјава доаѓа откако вчера Владата донесе одлука да издава лични карти со нови обрасци кои сè уште не се законски усвоени.