Мицкоски: Оваа Влада прави глупости на дневна основа
Во вечерашното издание на дебатната емисија "Само интервју" на Канал 5 Телевизија гостуваше претседателот на ВМРО-ДПМНЕ, Христијан Мицкоски кој зборуваше за моменталната политичка ситуација во земјата, економската и здравствената криза, пописот кој се планира да се спроведе во земјата и долго очекуваните вакцини.
Мицкоски потенцираше дека ВМРО-ДПМНЕ ја заврши 2020 година со интензивни протести пред Владата, но дека во оваа 2021 година можеби и нема толку многу да протестира, бидејќи таа улога ќе им се препушти на СДСМ и Зоран Заев, бидејќи според Мицкоски таа е гарнитурата која што за многу брзо време ќе биде во опозиција.
Мицкоски додаде дека ова е Влада која што на дневна основа секојдневно прави глупости и несериозни чекори, што доволно кажуваат за тоа какви луѓе ја водат Република Македонија и дали воопшто на такви луѓе треба да им се дозволи и понатаму да раководат со земјата.
"Покрај актуелните теми со Бугарија, вакцините, пописот и така натаму, секојдневно се среќаваме со страшни и непромислени работи кои што Владата предводена од Зоран Заев ги прави. Овој пат можеме да кажеме и дека главниот акцент е ставен на пописот кој своеглаво го туркаат, а не се свесни колкава штета ќе направат со истиот. Но, за овие грешки и глупости ќе им судат граѓаните", додаде Мицкоски.
СДСМ треба да знае дека на ВМРО-ДПМНЕ му недостасуваат само два пратеници плус за да се турне оваа квинслишка Влада, а само три пратеници за ја да превземе власта. Така да, ВМРО-ДПМНЕ будно ќе ги следи процесите во Собранието и вон него, а СДСМ нека биде уверено дека им следи пеколен период во 2021 во која ќе треба да се соочат со многу работи, заврши Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа