Мицкоски: Партиски оглас за државни попишувачи – најдобар доказ дека не е статистичка, туку политичка операција

Опозицискиот лидер, Христијан Мицкоски објавувајќи две фотографии од објави на Општинските комитети на СДСМ во Тетово и Петровец обвини дека партијата објавува државни огласи.

-Во која друга држава партиски војници спроведуваат државен попис? Најдобар доказ дека не е статистичка, туку политичка операција пописот. Партиски оглас за државни попишувачи. Срам и беда. Од месечината се гледа дека овој попис на власта е фалсификат. Затоа, стоп за овој фалсификат попис, напиша Мицкоски на Фејсбук.