По примерот од Мундијалот и во „Ла Лига“ ќе се користи спрејот

Откако се покажа како корисна алатка на Мундијалот, спрејот за обележување на линија при изведување на слободни удари, најверојатно ќе се користи и во новата сезона во Шпанската фудбалска лига. 

Реномираниот шпански спортски магазин, пренесува дека користењето на спрејот наишло на одобрување кај челниците во Ла Лига, и се очекува истото да биде одобрено во новата сезона 2014/2015. Исто така најверојатно ќе се користи и во пониската фудбалска лига Сегунда. 

На Мундијалот во Бразил за прв пат арбитрите користат спреј за обележување на линијата, зад која фудбалерите прават жив ѕид на одалеченост од 9,15 метри од топката.