Металург со победа ја отвори новата сезона во СЕХА лигата
Македонскиот шампион Металург со победа ја почна новата сезона во регионалната ракометна СЕХА лига.
Металург славеше убедлива победа над Татран Прешов со 34:28 во натпреварот одигран во СЦ „Борис Трајковски“ во Скопје.
Комбиниран состав на Червар, кој во најголем дел од натпреварот играше со млади сили, сепак не успеваа се до 40-минута резултатски да се одлепат кога на семафорот стоеше 20:20.
Преку Борозан и Ѓукиќ, кои постигнаа три гола во низа Металург, за прв пат успеа да направи опиплива предност, која беше повторена уште еднаш, па веќе во 53. минута македонскиот шампион имаше шест голови предност, која рутинирано ја сочува до крајот за конечни 34:28.
Со по пет постигнати голови Липовина и Марсениќ беа најефикасни кај победничката екипа, Вугринец и Циндриќ постигнаа по еден помалку.
Следниот меч за Металург во СЕХА е за шест дена (сабота) и тоа дербито против Вардар кој денеска гостува во Нови Сад кај Војводина во натпревар, кој ќе започне од 18 часот.
Претходно (15 часот) ќе се игра натпреварот меѓу Брест Мешков и Борац.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
