Џорџ Клуни се закити со „Златен глобус“
Престижната награда „Сесил Б. ДеМил“ за придонес на кинематографијата оваа година заминува во рацете на оскаровецот, актер, режисер и продуцент, Џорџ Клуни, а ќе му биде врачена во јануари наредната година на церемонијата Златен глобус, јавија организаторите на церемонијата.
Наградата која се вика и почесен Златен глобус го носи името на пионерот на американската кинематографија на режисерот и продуцент Сесил Б Де Мил, со Оскар награден во 1952 година за филмот „Најголемата претстава во светот“.
Меѓу претходните добитници на оваа награда се и Вуди Ален, Џоди Фостер, Морган Фримен, Роберт де Ниро, Мартин Скорсезе и Стивен Спилберг.
Џорџ Клуни со вереницата Амал Аламудин претстојува во Италија, каде неодамна во Фиренца исто така прими награда и ја најави венчавката во Венеција.
Клуни со Оскар е награден за споредна машка улога во филмот „Суријана“ и како продуцент на најдобар игран филм во 2013 година „Арго“. Освои три Златни глобуси. Оваа година како режисер го издава неговиот петти филм „The Monuments Men“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
