Масовно труење во Штип - Инфективната клиника полна со пациенти
На инфективното одделение во штипската Клиничка болница за два дена хоспитализирани се 13 пациенти со симптоми на салмонела.
Портпаролот на Клиничка болница-Штип, Марина Шуманска ја потврди информацијата и информира дека од примените пациенти три се деца на возраст од шест до 11 години.
Надлежните институции засега не соопштуваат каде е изворот на салмонелата, но според првичните неофицијални информации поголемиот дел од пациентите јаделе еклери.
Симптомите предизвикани од салмонела се болки во стомакот, мачнина, повраќање и дијареа, а може заболениот да има зголемена температура, да чуствува малаксаност, жед и вртоглавици
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа