Потрошени вакцините против сезонскиот грип во Струга
Стружани повеќе нема да можат да се имунизираат со вакцините против сезонскиот грип зашто нарачаното количество е веќе потрошено.
Како што информираат од епидемиолошкото одделение на Регионалниот центар за јавно здравје, досега се вакцинирани околу 720 граѓани.
- Нарачаното количество вакцини веќе е искористено и не може да се набават нови вакцини, така што вакцинирањето против сезонскиот грип е завршено за годинава, информираат од оваа јавна-здравствена установа.
Центарот за јавно здравје кој ги покрива Струга, Охрид и Дебар за справување со сезонскиот грип, кој се шири во текот на есенските и зимските месеци, годинава набави 2.500 вакцини. Во Охрид беа вакцинирани околу 1400, а во Дебар близу 400 граѓани.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
