Опозициски медиуми објавија: „Македонски анонимуси“ ќе објават материјал што Заев сака да го скрие

Дел од опозициските портали објавија видео кое деновиве e поставено на видео сервисот Јутјуб, а преку кое, како што пишуваат дел од опозициските портали, таканаречени „Македонски анонимуси“ се закануваат со објавување на бомба за лидерот на СДСМ Зоран Заев, односно ќе објават материјал што Заев сака да го скрие.

Порталот А1.он, кој прв го објави видеото со наслов „Анонимуси“ му се закануваат на Заев?“ пишува дека наводно хакирано било како што се вели „дувлото на оние кои го креираат сето ова, а се поврзани со лицето Зоран Заев“.

Видеото го објави и „Фокус“, кој пишува дека „Македонски анонимуси деновиве ќе објават работи кои Зоран Заев ќе сакал да ги скрие“. „Фокус“ пишува дека на друштвените мрежи почнало да кружи видео насловено „Правата вистина“, зад кое се потпишале  „Македонски анонимуси“.