ВИДЕО: Нивес го претстави спотот за песната "Лотарија"

Нивес Целзиус на своите обожаватели во целиот регион денеска премиерно им го претстави новиот видео спот за песната "Лотарија".

Автори на новиот хит се Денис Думанчич и Фајо, додека песната аранжерски ја изработи Бранимир Михајлевич.

-Уживав на снимањето на спотот и не памтам кога во животот толку искрено сум се смеела. Глумците беа фантастични. Знам дека многу медиуми од мене очекуваат некоја еротска алузија или провокација, но "Лотарија" просто не е таква песна. Имам згодно момче во спотот, многу е секси, манекенот Иван Калин, но и тој од мене, според сценариото, доби "корпа". Кога ќе ги видите тие насмеани дедовци и баби како се веселат, играат и пијат, кој би можел да им одолее, изјави Нивес.