Ново катче за најмалите: Две нови детски игралишта во Гази Баба

Во населбата Ченто во паркот „Борис Трајковски“ и во населбата Триангла општината Гази Баба направи нови детски игралишта со реквизити – клацкалки и лулашки.

До игралиштата, како што соопштуваат од Општината,  направени се патеки од павер елементи и поставена е урбана опрема – клупи и канти за отпадоци, а околу игралиштето во населбата Триангла поставена е и ограда.

Средствата за изградба на детските игралишта се од Буџетот на општината, а работите ги изведуваа фирмите ф-ка Карпош и МЗТ ИРИ.