Бугарија и Хрватска за засилување на соработката на Балканот

Бугарија и Хравтска се залагаат за засилување на регионалната соработка во Југоисточна Европа и за продлабочување на нивното билатерално партнерство во рамките на ЕУ, заклучија денеска во Софија бугарскиот претседател Росен Плевнелиев и првиот човек на Хрватскиот сабор, Јосип Леко.    

Како што јави БТА, Плевнелиев оцени дека членството на Хрватска во ЕУ претставува стимул за забрзување на реформите и во останатите земји од регионот со што ќе ја потврдат својата европска перспектива.  

- Решавањето на отворените прашања и градењето на добрососедски односи меѓу државите од Балканот треба да бидат приоритет во интерес на заедничката иднина на Југоисточна Европа во ЕУ и во НАТО, оцени Плевнелиев.

Леко, кој престојува во посета на Софија, нагласи дека процесот на проширување на ЕУ е од стратешко значење не само за Бугарија и Хрватска, туку и за стабилноста на регионот и на цела Европа.   

Плевнелиев и Леко се заложија и за создавање на Европска енергетска унија, со што спорд нив, би се намалила енергетската зависност на Југоситочна ЕВропа и би се придонело за диверзификација на изворите на енергенси, пред се на природен гас.

Бугарскиот претседател ја нагласи и потребата од обединување на државите од Југоисточна Европа во создавање на регионална енергетска берза, која ќе овзоможи слободна трговија со дистрибутерите на енергенси по конкурентни цени базирани на пазарен принцип.