Со вакво однесување СДСМ никогаш нема да биде соодветна алтернатива за ВМРО-ДПМНЕ

 

СДСМ со ваков начин на однесување и со ваков кадар никогаш нема да биде соодветна алтернатива на ВМРО ДПМНЕ и Коалицијата за подобра Македонија

Никола Груевски, премиерот на Република Македонија, денеска во своето обраќање пред насобраните граѓани во Прилеп истакна дека не е ни чудо што со оваа цела операција СДСМ ништо не направија, освен што закрвија народ и поставија основ за секаков вид на проблеми и конфликти.

-Тоа всушност беше и целта на неговите нарачатели. Има уште една интересна работа која вреди да се искоментира. Тоа е темата која самите си ја отворија, а тоа е демек амнестија за сите. И тоа така смешно го прават, прво низ некаква призма на преговори, па потоа си нафрлаат топка и самите демек закуцуваат, не сакале амнестија се ќе било судено, сите ќе одговарале и слично. Човек не знае како да одговори на ова а да не биде погрешно сфатен. Ние кажавме повеќе пати и нашиот став е јасен по ова прашање, истакна премиерот.

Премиерот потенцираше дека СДСМ ваков каков што е, нема да биде соодветна алтернатива за ВМРО-ДПМНЕ.