ВМРО-ДПМНЕ: Институциите да постапат одлучно, граѓаните да останат смирени
ВМРО-ДПМНЕ најостро го осудува денешниот терористички настан во селото Гошинце, се вели во соопштението од партијата.
интегрален текст од соопштението на ВМРО-ДПМНЕ
Повикуваме институциите одлучно и решително да постапат за расчистување на овој случај, и да ја обезбедат законитоста, сигурноста и стабилноста по сите основи.
Граѓаните на Република Македонија треба да останат смирени и да не дозволат реализација на сценарија чија цел е дестабилизација на земјата и загрозување на редот и поредокот.
Сите политички чинители, поединци и партии треба одговорно да се постават во овие моменти, да се воздржат од манипулации и да не подгреваат тензии кои се единствено во теснопартиски и лични интереси.
Република Македонија ќе ги надмине сите предизвици и ќе продолжи со својот напредок кој е од интерес за граѓаните.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа