Ова е најлошата вест за денеска - „потоп" во Македонија
Времето во Македонија ќе биде променливо и нестабилно облачно, на повеќе места со пороен дожд, грмежи и засилен ветер. Локално процесите ќе бидат поинтензивни и со појава на град, особено во јужните и источните делови од земјава.
Утринската температура ќе се движи од четири до 11, а дневната од 19 до 26 степени во крајниот југоисточен дел.
Во Скопје времето ќе биде променливо, попладне нестабилно и облачно со пороен дожд, грмежи и засилување на ветерот. Утринската температура ќе се спушти до седум, а дневната ќе се искачи до 24 степени.
Во среда ќе има локални слаби врнежи од дожд, особено во претпладневните часови. Ќе дува умерен ветер од северен правец кој ќе предизвика опаѓање на дневната температура која ќе се движи од 14 до 21 степен.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
