Со повеќе од 50 настани ќе се прослави 65 роденден на ЕУ во Македонија
Со повеќе од 50 настани во Скопје и во повеќе градови низ Република Македонија годинaва ќе се прослави 65-от роденден на ЕУ, информираа денеска на прес-конференција eвроамбасадорот Аиво Орав, вицепремиерот задолжен за евроинтеграциите Фатмир Бесими и претседателот на Европското движење Милева Ѓуровска.
Одбележувањето на 9 Мај-Денот на Европа, во организација на Делегацијата на ЕУ во партнерство со Секретаријатот за европски прашања, Европското движење, амбасадите на земјите-членки на ЕУ и други локални институции е со цел им го приближат процесот на европска интеграција на граѓаните.
Денот на Европа 2015 ќе биде прославен на многу начини вклучувајќи го и традиционалниот настан Денот на европското знаме, Скопскиот маратон, Европскиот хепенинг во Скопје, како и бројни дебати, предавања, натпревари, културни настани и локални прослави кои ќе се одржат низ целата земја. Над 200 студенти, предвидено е да дебатираат на ДУТ во Тетово, средношколците да учествуаат во повеќе настани на Филозофскиот факултет во Скопје.
ЕУ Инфо мрежата - ЕУ инфо точките во општините Дебар, Охрид, Гевгелија, Кавадарци, Кочани, Битола, Тетово, Гостивар, Струмица, Крива Паланка и Велес, ќе организираат хепенинзи за Денот на Европа со цел да се прослави европската идеjа на локално ниво.
Автобусот на ЕУ, оваа година повторно ќе патува низ земјата и ќе ги посети следните села: Порој, Кривогаштани, Чегране, Конче, Черкези, Негорци, Петровец, Пласница, Облешево и Просениково. На 15-ти мај сите амбасадори од земјите-челки на ЕУ ќе бидат присутни во ЕУ автобусот во село Конче.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа