СЛЕДЕТЕ ВО ЖИВО: 15. Конгрес на ВМРО-ДПМНЕ
Почна 15. Конгрес на ВМРО-ДПМНЕ што денеска и утре се одржува во Куманово под мотото „Силна Македонија“.
На Конгресот 560 делегати треба да изберат нов лидер на партијата што ќе ја предводи во следниот четиригодишен мандат, а до вчера до 15 часот кога заврши рокот, единствен пријавен беше актуелниот претседател на ВМРО-ДПМНЕ и премиер Никола Груевски.
На 15. Конгрес на владејачката ВМРО-ДПМНЕ ќе се претстави визијата на партијата за следните четири години која, ветува стабилност, работни места, инвестиции, доверба и перспектива за граѓаните.
Се очекува утре лидерот и премиер Груевски повторно да биде реизбран и да го добие четвртиот четиригодишен мандат во кој ќе ја предводи ВМРО-ДПМНЕ.
Груевски за лидер првпат беше избран на Конгресот на ВМРО-ДПМНЕ во Охрид во 2003 година кога противкандидат му беше Марјан Ѓорчев.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа