Четири лица повредени во сообраќајка на автопатот Тетово - Скопје
Двајца возачи и двајца сопатници се полесно повредени во сообраќајна несреќа која се случила вчера попладне на автопатот Тетово-Скопје.
Во несреќата, според информации од СВР Тетово, учествувале автомобил „Голф 5“ со тетовски регистерски таблици, управуван од 21-годишната Х.Н. од Желино и „Голф 3“, исто така, со тетовски таблици, што го управувал 52-годишниот А.Б. од Палатица.
Во несреќата, двајцата возачи и сопатниците Ш.Н.( 44 ) и М.С.( 29 ) се здобиле со телесни повреди и биле пренесени во тетовската клиничка болница, каде по укажаната лекарска помош се пуштени на домашно лекување.
По овластување на јавен обвинител, увид извршила екипа од СВР Тетово и се расветлуваат причините за несреќата. Вкупната материјална штета се проценува на 100.000 денари.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
