Внимавајте на вашите деца - се шири опасно Фејсбук лудило

Тинејџерите на друштвената мрежа Фејсбук играат нова, многу опасна игра која се вика „Game 72". Тоа е нов предизвик кој си го поставуваат меѓу себе - да исчезнат од дома на 72 часа и да не кажат никому каде се, за да бидат прогласени за исчезнати!

Британските медиуми предупредуваат на опасноста од опасната игра која на Фејсбук с ешири меѓу младите како пожар - играта има опасни правила и бара од тинејџерите да избегаат од дома на 72 часа без да кажат на никој каде ќе одат! 

- Зошто го прават тоа - мора да ги прашате нив. Очигледно во прашање е некој вид на тинејџерско докажување. Во тие чувствителни години на растење секакво лудило е можно, па и вакво. На секој родител чие дете има Фејсбук профил му советувам да разговара со детето, но во некој опуштен момент и на другарски начин. Важно е да се дознае што мисли детето за тоа - вели д-р Мирна Шуре од Универзитет во Филаделфија. 

Неодамна две девојчиња исчезнаа во Есекс, другарки од училиште на возраст од 15 и 14 години. Во петокот заминале од училиште но не се вратиле дома, а во понеделникот биле пронајдени на 30 километри оддалеченост од своите домови. Полицијата се сомнева дека девојчињата намерно „се изгубиле“ по правилата на новата опасна Фејсбук игра!