ОБСЕ повика на смиреност и воздржаност

Мисијата на Организацијата за безбедност и соработка во Европа (ОБСЕ) упати повик за смиреност и воздржаност по престрелката меѓу македонските полициски сили и вооружена група во Куманово. - Веруваме дека безбедноста на локалното население од клучна важност. Во постојан контакт сме со надлежните власти и ги повикуваме сите граѓани и политички партии да останат мирни. Во моментов итен приоритет е да се спречи ескалација која би довела до повеќе насилство, пишува во соопштението на Маријан Берец, вршител на должноста шеф на мисијата на ОБСЕ во Македонија.