ВИДЕО: Вандалите кои пустошеа пред Владата ќе бидат казнети - МВР поднесе 18 кривични
Многу херои и патриоти својот живот го положиле во одбрана на македонското знаме и секој обид да се претстави како невина жртва лицето кое го симнува и кине знамето пред Владата на Р. Македонија е срамен чин на газење на сопствената гордост и историја, се вели во соопштението на МВР.
Од МВР соопштуваат дека подеднакво срамен чин е и обидот вандалите кои со бекатон плочи и шипки повредија 38 полициски службеници да бидат претставени како студенти кои мирно демонстрирале.
-Уште посериозна е опасноста барањата за нивна амнестија да се сфатат како дополнителен поттик или мотив за нови неказнети насилства на претстојните протести. Заради елиминирање на сите изречени невистини, јавноста може и сама да се увери во кривичните дејствија на 18-те идентификувани против кои досега е процесуирана кривична пријава за „Учество во толпа што ќе спречи службено лице во вршење на службено дејство“, се вели во соопштението на МВР.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа