Шокантни болести на познатите

Секогаш насмеани и дотерани на црвениот тепих, но сепак тие се обични луѓе кои не се имуни на болести.

Иако живеат со тешки заболувања, тие се успешни и среќни, па затоа за многумина претставуваат вистинска инспирација

Мајкл Џеј Фокс

На 45 годишниот актер во 1991 година му е дијагностицирана Паркинсонова болест која во јавноста ја соопштил седум години подоцна. Голем број луѓе кои боледуваат од оваа болест дијагнозата ја добиваат околу педесеттата година.

Шенон Доерти

Актерката (44) популарна како Бренда од „Беверли Хилс“ објавила дека боледува од Кронова болест во 1999 година. Ова автоимуно заболување доведува до воспалувања во организмот и непријатни симптоми како што се стомачни грчеви и дијареја. Не постои лек, но заболувањето е такво што влегува во фаза на мирување, а потоа повторно се појавува.

Меџик Џонсон

Поранешниот американски кошаркар (55) го шокираше целиот свет кога во 1991 година објави дека има ХИВ. Поминаа веќе 22 години, но тој и понатаму се држи благодарение на коктел лековите кои ги прима секој ден, а кои на сите заболени им даваат надеж дека може да имаат нормален живот.

Ким Кардашијан

Кој би рекол дека Ким со својата совршена кожа, всушност пати од псоријаза. Ѕвездата тоа успешно го сокрива, но од време на време добива реакции на кожата и осипи, кои се карактеристични за оваа болест.

Памела Андерсон

Секси актерката која се прослави со улогата во филмот „Чувари на плажата“ во 2002 година призна дека боледува од хепатит Ц кој го добила од поранешниот сопруг со кој ја делела иглата за тетовирање.

Џен Озборн

На 26 години, неколку недели откако стана татко за прв пат, на синот на легендарниот Ози Озборн му е дијагностицирана мултиплекс склероза.

Дејвид Бекам

На овој заводник тешко кој ќе му најде мана, но тој пати од две пореметувања кои му го отежнуваат животот – опсесивно компулсивно пореметување и Турет синдром. Бекам (40) признал дека работите мора да му бидат подредени по линија или да бидат во пар, како и дека кога отседнува во хотел не може да се опушти додека книгите и летоците кои ќе ги најде во соба, не ги намести во фиока.