ФОТО: Мики од Драчево ја измами ќерката на скопскиот бизнисмен - не бил свесен дека украл предмет од 600.000 евра

Уникатен предмет кој е единствен во свет и кој е проценет на дури 600.000 евра му паднал во рацете на измамникот Бобан А.(28) од населбата Драчево кој беше уапсен за кражба на семеен накит и антиквитети од стан на скопски бизнисмен. Како што пишува Дневник, измамникот не ни знаел дека украл нешто толку вредно. 

Крадецот во предистражната постапка се бранел со молчење и не сакал да каже каде го скрил делот од украденото злато и антиквитети кои не биле пронајдени во претресот во изнајмениот стан во кој престојувал.

Инаку, кражбата се случила на почетокот на јуни кога измамникот кој не го кажувал своето вистинско име, а се претставувал како Мики или Мартин, успеал да ја измами и ќерката на бизнисменот со кого почнал љубовна врска. Додека нејзините родители биле на одмор тој успеал да го пронајде семејниот накит во луксузниот стан и украл повеќе парчиња, а дел од накитот продал во златарски дуќани. Откако парите ги ставил в џеб и предложил на девојката да шетаат низ Македонија, а на враќање го фрлил телефонот за да не го лоцираат. Тој одзел златен накит од 22 карати, дијаманти, брилијанти и други вредни парчиња накит, како и повеќе антиквитети и предмети со голема уметничка вредност.

Бобан А. и претходно бил познат извршител на кривични дела од областа на имотните деликти и кривични дела против правосудството, за што од страна на СВР Скопје во периодот од 2013 до 2014 година му биле поднесени 15 кривични пријави.

ПОВЕЌЕ НА ДНЕВНИК