Се санираат и асфалтираат неколку улици во Шуто Оризари

Град Скопје, ЈП „Улици и патишта“ и општина Шуто Оризари почнаа со санирање и асфалтирање на оштетени места на неколку улици во општината.

Како што информираат од општината Шуто Оризари, се работи на улиците „Бутелски венец“, „Клисурска“ крак-1 и крак-2, дел од улицата „Виничка“ и дел од улицата „Брсјачка Буна“ или вкупно 1.500 метри квадратни. Се гребат оштетените места, се премачкуваат и се асфалтираат.

Предвидено е градежните работи да завршат до крајот на овој месец.