Опозициските експоненти незадоволни од договорот со критики до Заев и СДСМ за лажната еуфорија
Голем дел од опозициските експоненти се видно незадоволни од договорот постигнат вчера за предвремени парламентарни избори. Тие испраќаат отворени критики до Заев и СДСМ за лажната еуфорија која сакаат да ја создадат.
Опозицискиот лидер нереално ги крена очекувањата и ветуваше се и сешто во процесот на преговори. Повеќето од работите за кои се храбреше и удираше во гради не испаднаа така како што ветуваше. Опозицискиот експонент Миодраг Мишолиќ истакна дека договорот е катастрофа.
-Би сакал да се лажам, ама мислам дека договоров е катастрофа. Министер за внатрешни од СДСМ, но со одобрување од ДПМНЕ. И уште министер за труд и социјална политика, демек да не се купуваат гласовите со социјална помош. А, свесни ли се дека ако нема „засилена“ социјална помош пред избори, социјалците ќе си речат: „додека беше Грујо ја добивавме“, и во уште поголем број ќе гласаат за него, да им се врати тоа што го имаа, пишува опозицискиот експонент Миодраг Мишолиќ, фејсбук статус објавен на опозицскиот портал Либертас.
Мишолиќ додава дека и во таква административно-политички амбиент, избори за само сто дена, pописот, избирачките списоци, изборните закони, ослободување на медиумите, демонтирањето на режимот.., не се ни споменати.
-Важно било (според Заев) дека Груевски нема да ги организира. А, помислува ли Заев што ќе се случи ако Груевски победи на изборите што „нема да ги организира“? Кутар, наивен и добродушен Зајко, со ова што си го потпишал, тој ќе ги организира. Систем граден девет години не се разградува за сто дена. И пак ќе речам, би сакал да се лажам, пишува Мишолиќ.
Опозицискиот колумнист Ивор Мицковски вели дека станува збор за договор на врзани раце за опозицијата која се враќа во Собрание и нема право на бомби.
-Договор на „врзаните раце“ за опозиција која се враќа во Собрание, нема право на бомби, со врзани потписи кои значат институционална блокада, и три месеци со премиер сурогат на Груевски, напиша Мицковски.
Разочарување од постигнатиот договор има и кај Стојанче Ангелов кој иронично напиша:
Подобро било каков отколку никаков! Договор! Или не?
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа