Автобус се судри со автомобил пред Битола: Двајца во болница

Попладнево околу 18 часот на магистралниот пат Битола – Кичево кај Демирхисарското село Желензец се судриле автобус кој сообраќал на линијата Битола-Кичево и еден автомобил со битолски регистарски таблички, јави „ТВ Орбис“.

Првичните информации од терен говорат дека повредени се двете лица кои се наоѓале во автомобилот од кои едното е малолетно дете. Со возило на Итната медицинска помош од Демир Хисар тие се префрлени и хоспитализирани во Клиничкиот центар во Битола.

Од автобусот нема повредено патници.