Шумските производи намалени за два отсто

Вкупното производство на шумски производи во државните шуми во второто тримесечје од 2015 година е намалено за два отсто во однос на истиот период лани, соопшти Државниот завод за статистика.

Зголемување е забележано кај друго заоблено дрво од иглолисни, просторното дрво од иглолисни, рудничкото дрво од листопадни видови и огревното дрво од иглолисни и од листопадни видови, додека намалување има кај трупците од иглолисни и од листопадни видови, рудничкото дрво од иглолисни видови и кај другото заоблено дрво од листопадни видови.