Му го скршил черепот со шипка поради паркинг кај „Мавровка“
На 03.10.2015 година во 15:00 часот во Скопје на бул.„Филип Втори Македонски“ бб, пред влезот на подземната паркинг гаража во ТЦ „Мавровка“, лицето Е.Р.(27) од с.Студеничани-Скопје, со „Голф“ со скопски регистерски ознаки, го паркирал возилото на тротоарот.
Тогаш, настанала меѓусебна расправија и тепачка помеѓу С.Ш.(36) од Скопје (вработен во фирмата „Франк“ која стопанисува со подземната гаража) и Е.Р., при што дошло до кршење на задното ветробранско стакло од возилото.
Потоа Е.Р. со метален предмет (шипка) го удрил С.Ш. во пределот на главата, кој паднал на асфалтната површина, а Е.Р. го напуштил лице местото оддалечувајќи се во непознат правец и оставајќи го возилото.
Со возило на Итна медицинска помош, С.Ш. е пренесен во ГОБ „Св Наум Охридски“ каде му се констатирани тешки телесни повреди (фрактура на черепот со крварење од увото).
Увид на лице место извршила екипа од СВР-Скопје.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
