Денеска задолжително гушнете ги саканите - еве зошто
Во светот денеска се одбележува Меѓународниот ден на прегратката. Денот на прегратката настанал за луѓето да можат да ги изразуваат своите чувства и емоции во јавност.
Денот на прегратката настанал во 1986. година во САД, а со текот на времето се проширил и во остатокот од светот.
Целта на празнувањето на овој ден е тоа што им помага на луѓето да ги изразат своите чувства во јавност, а би требало да биде прославен на тој начин што ќе го прегрнете секого кого ќе посакате.
Прегратката гради доверба и чувство на сигурност, а воедно ја зајакнува поврзаноста со личноста која ја гушкаме.
Таа е добра за нашиот имунитет, бидејќи ја стимулира жлездата која го поттикнува производството на белите крвни зрнца. Ги опушта мускулите во телото и ја ублажува болката, а најдобро од се е што прегратката е бесплатна…
Овој човечки контакт има навистина големо позитивно влијание врз психичкото и физичкото здравје. Дури и во најтешките денови прегратката сигурно ќе ви помогне.
Меѓународниот ден на прегратката е прогласен од страна на Кевин Заборни, кој се смета за амбасадор на прегрнувањето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа