Две возила се судрија па запалија - Драма на улица во Скопје

На улицата „Невеска“ во Скопје вчера десетина минути пред 22 часот се случила сообраќајна незгода во која патничко моторно возило „Југо 45“ со скопски регистерски ознаки, управувано од А.Џ. (27) од Скопје, удрило во паркирано патничко возило „Ауди“ со скопски регистерски ознаки, паркирано од Д.Г.. При ударот двете возила се запалиле. Пожарот е изгаснат од екипа на Бригадата за противпожарна заштита-Скопје.

Увид на местото на настанот извршила екипа од Одделението за истрага на сообраќајни несреќи-Скопје.