Претепан газда на познато скопско кафуле
Како што соопшти полицијата, во неделата вечерта околу 23 часот, 39-годишниот Д.Д., сопственик на кафуле во населбата Радишани, бил телефонски повикан од вработените да дојде, бидејќи насилниците Д.К. и Б.К. прават проблеми во објектот. Ги затекнал двајцата како кршат шишиња, фрлат маси и кршат дел од инвентарот. Д.Д. ги предупредил да престанат, но наместо да се соземат, тие почнале да го навредуват, а потоа физички го нападнале удирајќи го со нозе во пределот на градите, а тој изнемоштен паднал на земја. Останатите гости во кафулето ги совладале напаѓачите и успеале да ги спречат да продолжат со намерата. Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа