Шести ден од грозоморниот чин: Полицијата го бараше убиецот на Јелена на погребот

Сеуште се трага по убиецот на Јелена Крсмановиќ кој ја усмрти со 30 удари од дрвена палка по главата. Полицајците како цивили стоеја на погребот на Јелена и го бараа убиецот, бидејќи постоела можност личноста која ја убила, а за која се претпоставува дека ја знаела Јелена, да била на самиот погреб за да го прикрие грозоморното убиство.

Полицијата и специјалците интензивно трагаат низ повеќе места. Шести ден по грозоморниот чин се проверени неколку куќи во населбата Црвенка, која е најблиску до местото на злосторството. 

Профил на убиецот: Нарцис кој убива од омраза

Криминологот Златко Николиќ тврди дека се работи за злосторство до страст, што потврдуваат и резултатите од обдукцијата.

– Според она што го видов, нема место за паника, ова е убиство од страст со огромно количество омраза, зашто вака убиваат главно оние на кои им е криво огледалото, односно оние на кои им е невозвратено нешто за што сметаат дека имаат право и дека им припаѓа, објаснува криминологот Златко Николиќ.

Тој додава дека луѓето како несреќната пејачка се предодредени да бидат жртви, зашто се експонирани на социјалните мрежи и нагласува дека убиството на Јелена било планирано и одработено со голема омраза.

Според профилот што го изработи криминологот, убиецот ги има овие карактеристики:

– нарцисоиден

– на возраст од 25 до 45 години

– го следел движењето на Јелена

– ѝ ги знаел навиките

– најверојатно лично се познавале

– веројатно немал помагач