Девојката лежела мртва во станот, телото на скопјанецот најдено на скали во ходникот

Девојката лежела мртва во станот, 31 годишниот П.Т бил пронајден мртов на скалите. Страшна глетка затекнале станарите на улицата Владимир Комаров бр. 14 во скопски Аеродром.
Веднаш била повикана полиција. Прво го нашле безживотното тело на П.Т. Како што веќе објавивме, тој лежел на скалите во ходникот на зградата. Полицијата влегла во станот. Таму ја пронашле мртва и 25 годишната М.М. од Охрид.
Според првичните и се уште неофицијални информации, на нивните тела немало траги на насилство. Нашите неофицијални информации добиени од полициски извори се дека двете лица биле наркозависници па се претпоставува дека починале како последица од предозираност.
Нивните тела се предадени на обдукција која треба да ги утврди точните причини за смртта.