ГДОМ денеска со масовни граѓански собири во 7 градови

Масовните граѓански собири организирани од Граѓанското Движење за Одбрана на Македонија не запираат и денеска и продолжуваат во Струга, Битола, Крива Паланка, Штип, Гевгелија, Ресен и Тетово, во 19 часот.

Граѓаните уште еднаш гласно и масовно ќе повторат дека решението на политичката криза мора да дојде, а единствениот пат кон решението оди преку изборите.

-Иднината на Македонија зависи од нашиот разум и капацитет за демократичност – граѓаните имаат Уставно загарантирано право на избор и граѓаните МОРА да го искористат. Тоа е нашето оружје, тоа е нашата моќ. Сакаме самите да одлучуваме за сопствениот живот и за сопствената иднина. Ова е начинот кој го бираме, избори на кои народот ќе одлучи за себе! Ништо друго не е опција. Срамота и противуставно е на граѓаните да им се лимитира правото на избор. Други го правеле тоа низ годините, а победите над нив ги славевме на 9-ти мај. Граѓаните мора да бираат, Македонија ќе победи, се вели во Фејсбук статусот на ГДОМ.